ଚଳିତ ଆଇପିଏଲ ସିଜିନର ନୂଆ ନାୟକ ରିଶଭ ପନ୍ତ

New hero of IPL 2018

ଚଳିତ ଆଇପିଏଲ ସିଜିନରେ ଲୋକେଶ ରାହୁଲ, ଶିଖର ଧାୱନ, ସୂର୍ଯ୍ୟକୁମାର ଯାଦବ, ଏବି ଡିଭିଲିୟର୍ସ ବିସ୍ପୋରକ ବ୍ୟାଟିଂ ପ୍ରଦର୍ଶନ ଜରିଆରେ ଦର୍ଶକଙ୍କୁ ଅଭିଭୂତ କରିଛନ୍ତି । ଦିଲ୍ଲୀ ଡେୟାରଡେଭିଲ୍ସର ରିଶଭ ପନ୍ତ ଆକର୍ଷଣୀୟ ବ୍ୟାଟିଂ ଜାରି ରଖି ଏଯାବତ ୬୮୪ ରନ ସଂଗ୍ରହ କରିସାରିଲେଣି ।

ଦିଲ୍ଲୀ ଡେୟାରଡେଭିଲ୍ସ ବିପକ୍ଷରେ ୧୪ ବଲରୁ ୫୦ ରନ ସଂଗ୍ରହ କରି ସବୁଠୁ ଦ୍ରୁତତମ ଅର୍ଦ୍ଧ ଶତକ ହାସଲ କରିବାର ଗୌରବ ଅର୍ଜନ କରିଛନ୍ତି ଲୋକେଶ ରାହୁଲ । ପୂର୍ବରୁ ୧୫ ବଲରେ ଅର୍ଦ୍ଧ ଶତକ ହାସଲ କରିଥିବା ସୁନୀଲ ନାରାୟଣ ଏବଂ ୟୁସୁଫ ପଠାନଙ୍କ ରେକର୍ଡ ଭାଙ୍ଗିଛନ୍ତି ଏହି ପ୍ରତିଭାବାନ ବ୍ୟାଟ୍ସମ୍ୟାନ । ଅମ୍ବାତି ରାୟୁଡୁ ଏବଂ କେନ ଓି୍ୱଲିୟମସନ ମଧ୍ୟ ବିସ୍ପୋରକ ବ୍ୟାଟିଂ କରି ନିଜ ଦଳକୁ ବିଜୟୀ କରିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ମୁମ୍ବାଇ ଇଣ୍ଡିଆନ୍ସର ସୂର୍ଯ୍ୟକୁମାର ଯାଦବଙ୍କ ବ୍ୟାଟିଂ କ୍ରିକେଟପ୍ରେମୀ ଓ ସମୀକ୍ଷକଙ୍କୁ ଏକପ୍ରକାର ସମ୍ମୋହିତ କରି ରଖିଛି । ପ୍ରଥମ ଥର ପାଇଁ ତାଙ୍କୁ ଓପନିଂ କରିବାର ସୁଯୋଗ ମିଳିଛି ଏବଂ ସୁଯୋଗର ସଦବ୍ୟବହାର କରି ଚମତ୍କାର ବ୍ୟାଟିଂ ଜାରି ରଖିଛନ୍ତି ସୂର୍ଯ୍ୟକୁମାର । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୁରୁ ତରଫରୁ ଖେଳୁଥିବା ଦକ୍ଷିଣ ଆଫ୍ରିକୀୟ ବ୍ୟାଟ୍ସମ୍ୟାନ ଏବି ଡିଭିଲିୟର୍ସ ଆଥଲେଟିକ ଫିଲ୍ଡିଂ ଏବଂ ଚିତ୍ତାକର୍ଷକ ବ୍ୟାଟିଂ ଜରିଆରେ ଉପସ୍ଥିତ ଦର୍ଶକଙ୍କ ବେଶ୍ ମନୋରଞ୍ଜନ କରୁଛନ୍ତି । ଆଇପିଏଲ ପ୍ରଥମ ସିଜିନରୁ ଉଚ୍ଚକୋଟୀର ବ୍ୟାଟିଂ ପ୍ରଦର୍ଶନ କରିଆସୁଛନ୍ତି ସଂପ୍ରତି ରାଜସ୍ଥାନ ରୟାଲ୍ସ ପାଇଁ ଖେଳୁଥିବା ସଞ୍ଜୁ ସାମସନ । ୨୦୧୮ ଆଇପିଏଲ ସିଜିନରେ ବାଙ୍ଗାଲୁରୁ ରୟାଲ ଚ୍ୟାଲେଞ୍ଜର୍ସ ବିପକ୍ଷରେ ସଞ୍ଜୁ ସାମସନ ସଂଗ୍ରହ କରିଥିଲେ ଅବିଶ୍ୱସନୀୟ ୯୨ ରନ । ଯାହାକି ପୂର୍ବତନ କ୍ରିକେଟର ଏବଂ କ୍ରିକେଟଫ୍ୟାନଙ୍କୁ ଆହ୍ଲାଦିତ କରିଛି ।

ପ୍ଲେ ଅଫ ପୂର୍ବରୁ ସଫଳ ବ୍ୟାଟ୍ସମ୍ୟାନ
ରିଶଭ ପନ୍ତ ୬୮୪
ଓି୍ୱଲିୟମସନ ୬୬୧
ଲୋକେଶ ୬୫୯
ରାୟୁଡୁ ୫୮୬
ବଟଲର ୫୪୮
କୋହଲି ୫୩୦
ସୂର୍ଯ୍ୟକୁମାର ୫୧୨
ଡିଭିଲିୟର୍ସ ୪୮୦
ଧୋନି ୪୪୬
ୱାଟସନ ୪୩୮

 

Previous ଆଇପିଏଲରେ ଧୋନିଙ୍କ ସଫଳତା
Next ଅପରାଜୟ ଧୋନି

No Comment

Leave a reply

Your email address will not be published. Required fields are marked *