ବଳାତ୍କାର ମାମଲାରେ ଆସାରାମ୍ ବାପୁଙ୍କ ପୁଅ ନାରାୟଣ ସାଇ ଦୋଷୀ ସାବ୍ୟସ୍ତ

asharam bapus son narayan sai convicted in rape case

ମହିଳା ଅନୁଗାମୀଙ୍କୁ ବଳାତ୍କାର କରିବା ମାମଲାରେ ଆଶାରାମ ବାପୁଙ୍କ ପୁଅ ନାରାୟଣ ସାଇ ଆଜି ଦୋଷୀ ସାବ୍ୟସ୍ତ ହୋଇଛନ୍ତି। ସୁରତ୍ ସେସନ୍ କୋର୍ଟ ମାମଲାର ବିଚାର କରି ନାରାୟଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ଆସନ୍ତା ୩୦ ତାରିଖରେ ଦଣ୍ଡାଦେଶ ଶୁଣାଯିବ । ଅଭିଯୋଗ ମୁତାବକ, ଆଶାରାମ ବାପୁଙ୍କ ଆଶ୍ରମକୁ ସୁରତର ୨ ଭଉଣୀ ଆସୁଥିଲେ। ସେମାନଙ୍କ ମଧ୍ୟରୁ ଜଣେ ଭଉଣୀ ସୁରତସ୍ଥିତ ଆଶ୍ରମରେ ରହିବା ସମୟରେ ୨୦୦୨ରୁ ୨୦୦୫ ମଧ୍ୟରେ ତାଙ୍କୁ ନାରାୟଣ ସାଇ ବଳାତ୍କାର କରିଥିଲେ। ସେହିପରି ଅନ୍ୟ ଜଣେ ଭଉଣୀ ୧୯୯୭ରୁ ୨୦୦୬ ମଧ୍ୟରେ ଅହମଦାବାଦ ନିକଟରେ ଥିବା ଆଶ୍ରମରେ ରହିବା ସମୟରେ ଆଶାରାମ ବାପୁ ତାଙ୍କୁ ବଳାତ୍କାର କରିଥିବା ଅଭିଯୋଗ ହୋଇଥିଲା। ୨୦୧୩ରେ ଏ ନେଇ ପୀଡ଼ିତାଦ୍ବୟ ନାରାୟଣ ଏବଂ ତାଙ୍କ ବାପା ଆଶାରାମ ବାପୁଙ୍କ ବିରୋଧରେ ପୃଥକ ଅଭିଯୋଗ କରିଥିଲେ। ଏହା ପରେ ପୁଲିସ ବଳାତ୍କାର, ଯୌନ ନିର୍ଯାତନା, ବେଆଇନ ଭାବେ ବନ୍ଦୀ କରିବା ଏବଂ ଅନ୍ୟାନ୍ୟ ଦଫାରେ ମାମଲା ରୁଜୁ କରିଥିଲା। ଏହି ୨ଟି ମାମଲାରେ ପୁଲିସ ଆଶାରାମଙ୍କ ସମେତ ନାରାୟଣଙ୍କ ୪ ଜଣ ସହଯୋଗୀଙ୍କୁ ଗିରଫ କରିଥିଲା। କିନ୍ତୁ ପରେ ନାରାୟଣ ଫେରାର ହୋଇଯାଇଥିଲେ। ୨୦୧୩ ଡିସେମ୍ବରରେ ପୁଲିସ ୪୦ ବର୍ଷୀୟ ନାରାୟଣଙ୍କୁ ପଞ୍ଜାବ-ହରିୟାଣାର କୁରୁକ୍ଷେତ୍ର ନିକଟ ପିପ୍‌ଲିରୁ ଗିରଫ କରିଥିଲା। ଏହି ମାମଲାରେ ନାରାୟଣଙ୍କ ସମେତ ୧୦ ଜଣଙ୍କ ବିରୋଧରେ ୨ଟି ଚାର୍ଜଶିଟ୍‌ ଦାଖଲ ହୋଇଥିଲା। ଅଭିଯୁକ୍ତଙ୍କ ବିରୋଧରେ ୫୩ ଜଣ ସାକ୍ଷ୍ୟ ଦେବା ସହ ଆବଶ୍ୟକ ପ୍ରମାଣପତ୍ର ଦାଖଲ ହୋଇଥିଲା। ଅଭିଯୁକ୍ତଙ୍କ ପକ୍ଷରୁ ୧୪ଜଣ ସାକ୍ଷ୍ୟ ପ୍ରଦାନ କରିଥିଲେ। ସମସ୍ତ ସାକ୍ଷ୍ୟପ୍ରମାଣକୁ ଭିତ୍ତିକରି କୋର୍ଟ ନାରାୟଣଙ୍କୁ ଦୋଷୀ ସାବ୍ୟସ୍ତ କରିଛନ୍ତି।

Previous ଡିପ୍ରେସନ୍‌ର ରୂପ ନେଲା ବଙ୍ଗୋପସାଗରରେ ସୃଷ୍ଟ ଲଘୁଚାପ,ଓଡିଶାକୁ ବିପଦ ନାହିଁ
Next ଇଷ୍ଟର ସଣ୍ଡେ ବିସ୍ଫୋରଣର ପ୍ରତିଶୋଧ ନେଲା ଶ୍ରୀଲଙ୍କା : ସୁରକ୍ଷାକର୍ମୀଙ୍କ ମିଳିତ ଚଢ଼ାଉରେ ୧୫ ସଂଦିଗ୍ଧ ନିହତ

No Comment

Leave a reply

Your email address will not be published. Required fields are marked *