କୁହୁଡି ପାଇଁ ସପ୍ତାହ ଭିତରେ ୮ରୁ ଅଧିକା ଦୁର୍ଘଟଣା,୨୦ଅଧିକ ଆହତ

ଗତ ସପ୍ତାହେ ହେଲା ରାଜ୍ୟର ବିଭିନ୍ନ ଅଞ୍ଚଳରେ ଘନ କୁହୁଡି ଦେଖା ଯାଉଥୁବାରୁ ଦୁର୍ଘଟଣା ଘଟିବାରେ ଲାଗିଛି। ଦୁଇ ଦିନତଳେ ଏହି କୁହୁଡ଼ି କାରଣରୁ ଜଗତସିଂହପୁର, କେନ୍ଦ୍ରାପଡା, ନୟାଗଡ ସମେତ ଅନ୍ୟ କେତେକ ଅଞ୍ଚଳରେ ଦୁର୍ଘଟଣା ଘଟି ୫ ଜଣକ ମୃତ୍ୟୁ ହୋଇଥିବା ବେଳେ ୮ ଜଣ ଆହତ ହୋଇଥିଲେ । ଅଜିମଧ୍ୟ ରାଜ୍ୟର ୫ଟି ସ୍ଥାନରେ ଦୁର୍ଘଟଣା ଘଟି ୧୫ରୁ ଅଧିକ ଗୁରୁତର ହୋଇଛନ୍ତି ।ଘନ କୁହୁଡି କାରଣରୁ ଚାଳକକୁ ରାସ୍ତା ଦେଖା ନଯିବାରୁ ରାଜନଗରରେ ରାସ୍ତା ତଳକୁ ବସ ଖସି ଝୁଲି ରହିଲା । ଫଳରେ ଯାତ୍ରୀମାନେ ଅଳ୍ପକେ ବଡ ଦୁର୍ଘଟଣାରୁ ବର୍ତ୍ତି ଯାଇଛନ୍ତି, କାହାର କିଛି କ୍ଷତି ହୋଇନି । ସେହିଭଳି କେନ୍ଦ୍ରାପଡାରେ କଟକ-ଚାନ୍ଦବାଲି ରାସ୍ତାରେ ଜଂଟିଲୋ ଛକରେ ବୋଲେରାକୁ ଇଣ୍ଡିଗୋ ଧକ୍କା ଦେବା ଫଳରେ ୫ ଜଣ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ମେଡିକାଲେର ଭର୍ତି କରାଯାଇଛି । ଜଗତସିଂହପୁର କଟକ-ପାରାଦ୍ୱୀପ ରାସ୍ତାରେ ବାଲିପାଟଣା ଛକରେ ନିକଟରେ ଏକ ଆଳୁ ବୋଝେଇ ଟ୍ରକ ଓ ପିକ ଅପ ଭ୍ୟାନ ଦୁର୍ଘଟଣା ଗ୍ରସ୍ତ ହୋଇ ରାସ୍ତା ତଳକୁ ଖସିପଡିଛି । ଏଥିରେ କେହି ଆହତ ହୋଇନାହାନ୍ତି । ହେଲେ ଟ୍ରକଟି ଦୋକାନ ଉପରେ ଚଢ଼ିଯିବାରୁ ଆଖାପାଖର ଦେକାନ କ୍ଷତିଗ୍ରସ୍ତ ହୋଇଛି । କୁହୁଡ଼ି କାରଣରୁ ବିମାନ ଚଳାଚଳ ମଧ୍ୟ ବାଧାପ୍ରାପ୍ତ ହୋଇଛି । ଗତକାଲି ରାତି ୯ଟାରେ ଯିବାକୁ ଥିବା ଭୁବନେଶ୍ୱର ବେଙ୍ଗାଲର ଫ୍ଲାଇଟ କୁହୁଡ଼ି ପାଇଁ ଆଜି ଦିନ ୧୦ ପର୍ଯ୍ୟନ୍ତ ଉଡ଼ାନ ଭରି ପାରି ନଥିଲା । ଫଳରେ ୧୨ ଘଂଟାରୁ ଅଧିକ ସମୟ ଧରି ଏୟାରପୋର୍ଟରେ ଫସି ରହିଥିଲେ ଯାତ୍ରୀ । ସେହିଭଳି ଗତକାଲି ରାତିରେ ଘନ କୁହୁଡ଼ି ପାଇଁ ବ୍ୟାଙ୍ଗ୍‌କକ୍‌ରୁ ୧୫୦ ଯାତ୍ରୀଙ୍କୁ ଧରି ଭୁବନେଶ୍ୱର ଫେରୁଥିବା ଏୟାର ଏସିଆର FD 112 ବିମାନ ଅବତରଣ କରିନପାରି କୋଲକାତାକୁ ଫେରିଛିଯାଇଥିଲା ।