ସୁନ୍ଦର ତ୍ୱଚା-କେଶ ପାଇଁ ଅଦା

Benefits of ginger

ଖାଦ୍ୟରେ ବା ମସଲା ପ୍ରସ୍ତୁତିରେ ଆମେ ସାଧାରଣତଃ ଅଦା ବ୍ୟବହାର ହୋଇଥାଏ । କେତେକ ଔଷଧ ପ୍ରସ୍ତୁତିରେ ମଧ୍ୟ ଏହାର ବ୍ୟବହାର ହେଉଛି । ହେଲେ ଆପଣ ଜାଣନ୍ତିକି ସୌନ୍ଦର୍ଯ୍ୟ ଉପଚାର ପାଇଁ ମଧ୍ୟ ଏହା ବେଶ୍ ଉପକାରୀ ହୋଇଥାଏ । ତ୍ୱଚା ଓ କେଶର ଅନେକ ସମସ୍ୟା ଅଦା ଭଲ କରିଦିଏ । ଏବେ ଚାଲନ୍ତୁ ଜାଣିବା ସେ ବିଷୟରେ କିଛି ।

  • ଅଦା ଏଣ୍ଟିଅକ୍ସିଡେଣ୍ଟ୍ ଯୁକ୍ତ ହୋଇଥିବାରୁ ଉଭୟ ତ୍ୱଚା ଓ କେଶ ପାଇଁ ଉପକାରୀ ହୋଇଥାଏ । ତିନି ଚାମଚ ଅଦା ରସରେ ଏକ ଚାମଚ ମହୁ ମିଶାଇ ତୁଳା ଦ୍ୱାରା ମୁହଁରେ ଲଗାନ୍ତୁ । ଅଧ ଘଣ୍ଟା ପରେ ଥଣ୍ଡା ପାଣିରେ ଧୁଅନ୍ତୁ । କଳା ଦାଗ ଲିଭିବା ସହ ତ୍ୱଚାରେ ଚମକ ବଢ଼ିବ ।
  • ଦୁଇ ଚାମଚ ଗୋଲାପ ଜଳରେ ଏକ ଚାମଚ ଅଦା ରସ ଓ ମହୁ ଫେଣ୍ଟି ମୁହଁ, ବେକରେ ଲଗାନ୍ତୁ । କିଛି ସମୟ ରଖିବା ପରେ ଥଣ୍ଡା ପାଣିରେ ଭଲ ଭାବରେ ଧୋଇଦିଅନ୍ତୁ । ଆପଣ ଏହି ମିଶ୍ରଣକୁ ଦେହରେ ମଧ୍ୟ ଲଗାଇ ପାରିବେ। ଏହା ଦ୍ୱାରା ଶରୀର ଥଣ୍ଡା ରହିବା ସହ ଘିମିରି ସମସ୍ୟା ହେବ ନାହିଁ । ଖରାଦିନ ପାଇଁ ଏହା ବେଶି ଦରକାରୀ ହେବ ।
  • ଅଳ୍ପ ପାଣିରେ ଦୁଇ ଚାମଚ ଅଲିଭି ତେଲ, କିଛି ଗୋଲାପ ପାଖୁଡ଼ା ଓ ଖଣ୍ଡେ ଅଦା ପକାଇ ପାଦ ବୁଡ଼ାଇରଖନ୍ତୁ । ଗୋଇଠି ଦାଗ ଲିଭିଯିବ । ଜୋଜୋବା ତେଲରେ ଅଳ୍ପ ଅଦା ରସ ମିଶାଇ କେଶ ମୂଳରେ ଘଷନ୍ତୁ । ରୁପି ସମସ୍ୟା ଥିଲେ ଭଲ ହୋଇଯିବ। ଏହା ସହ ଚୁଟି ଉପୁଡିବା ମଧ୍ୟ କମିଯିବ ।
  • ଅଦା ଖାଇବା ଦ୍ୱାରା ଶରୀରେ ରକ୍ତ ପରିସ୍କାର ରହିବା ସହ ମୁଖବ୍ରଣ ଦୂର ହୋଇଥାଏ ।ସେହିଭଳି ଓଜନ କମ୍ କରିବାକୁ ଚାହୁଁଥିଲେ କିମ୍ବା ନିୟନ୍ତ୍ରଣରେ ରଖିବାକୁ ଚାହୁଁଥିଲେ, ନିୟମିତ ଅଦାର ଖାଇବା ଭଲ।
Previous ବଦଳିଲେ ୨୬ଟି ଥାନାର ଆଇଆଇସି
Next ଆଜି ଭୂମିହୀନ ପାଇବେ ‘କାଳିଆ’ ଟଙ୍କା

No Comment

Leave a reply

Your email address will not be published. Required fields are marked *