ଅଧିକ ସମୟ ମୋବାଇଲ ବ୍ୟବହାର କରୁଛନ୍ତି କି? ସାବଧାନ

Attention deficit hyperactivity disorder

Group Of Laughing Friends With Cellphone Outdoor

ଦେଶକୁ ଗତିଶୀଳ ଏବଂ ବିକାଶର ଧାରାରେ ଆଗେଇ ନେବାକୁ ହେଲେ ଯୁବଶକ୍ତିର ସକ୍ରିୟ ସହଯୋଗ ଲୋଡା ।ଏମାନେ ଚାହିଁଲେ ଅସାଧ୍ୟ ସାଧନ କରିପାରିବେ । କିନ୍ତୁ ଆଜିର ଏ ପଥଭ୍ରଷ୍ଟ ଯୁବପିଢି ନୂଆ କିଛି କରିବା ବଦଳରେ ସହଜରେ ଉପଲବ୍ଧ ମନୋରଞ୍ଜନ ସାମଗ୍ରୀରେ ସମୟ ଅପଚୟ କରୁଛନ୍ତି । ଟିଭି, କମ୍ପ୍ୟୁଟର ଏବଂ ସ୍ମାର୍ଟ ଫୋନ୍ ର ବଜାର ଦର ଏତେ ଶସ୍ତା ହୋଇଗଲାଣି ଯେ ଗାଁ, ଗଣ୍ଡା, ସହର, ବଜାର ସମସ୍ତଙ୍କ ଘରେ ଏସବୁର ସମ୍ଭାର । ଆଙ୍ଗୁଠି ଟିପରେ ବଜାର, ବସ୍, ରେଳ, ବିମାନ, ହୋଟେଲ୍ ଏବଂ ସିନେମା ଟିକେଟ୍ ବୁକିଂ, ଭିଡିଓ ଚାଟିଂ ମାଧ୍ୟମରେ ପ୍ରିୟ ଜନଙ୍କ ସହ ଭାବ ବିନିମୟ, ଡାକ୍ତର ପରାମର୍ଶ, ପରୀକ୍ଷା ପାଇଁ ଫର୍ମ ପୂରଣ ଆଦି ସୁବିଧା ଉପଲବ୍ଧ । ସହଜେତ ଯୌବନାବସ୍ଥାରେ ମଣିଷ ଏକ ରଙ୍ଗୀନ ଦୁନିଆରେ ଉଡିବୁଲେ । ଆଉ ତା ସାଙ୍ଗକୁ ହାତ ପାଆନ୍ତାରେ ଏସବୁ ସୁବିଧା ବିରାଡି କପାଳକୁ ଶିକା ଛିଣ୍ଡିଲା ଭଳି ହୋଇଛି । ଯୁବପିଢିଙ୍କ ମଧ୍ୟରେ ଇଂଟରନେଟ୍ ମାନିଆ ଏତେ ପରିମାଣରେ ବୃଦ୍ଧି ପାଇଛି ଯେ ସେମାନଙ୍କ ନିକଟରେ ଧୈର୍ଯ୍ୟ ଓ ଏକାଗ୍ରତାର ଘୋର ଅଭାବ ପରିଲକ୍ଷିତ ହେଉଛି । ଯାହା ଫଳରେ ଆକସ୍ମିକ ଦୁର୍ଘଟଣା, ପରୀକ୍ଷାରେ ବିଫଳତା ଭଳି ସମସ୍ୟା ମୁଣ୍ଡ ଟେକିବା ସାଙ୍ଗକୁ ପରସ୍ପର ମଧ୍ୟରେ ସ୍ନେହ, ଶ୍ରଦ୍ଧା ଓ ମମତା ଏବଂ ଗୁରୁଜନଙ୍କ ପ୍ରତି ସମ୍ମାନ ରହୁନାହିଁ । ଏହା ପାରିବାରିକ ଓ ସାମାଜିକ ବନ୍ଧନକୁ ଛିନ୍ନ କରିବା ସହ ଏକ ସମ୍ବେଦନଶୀଳ ଜୀବନ ଗଠନରେ ମୁଖ୍ୟ ପ୍ରତିବନ୍ଧକ ହେଉଛି । ଏହି ସମସ୍ୟାକୁ ଡାକ୍ତରୀ ବିଜ୍ଞାନରେ ଏ.ଡି.ଏଚ୍.ଡି(ଆଟେନସନ୍ ଡେଫିସିଟ୍ ହାଇପରଆକ୍ଟିଭିଟି ଡିଜଅର୍ଡର) କୁହାଯାଏ ।
ସୂଚନା ଓ ପ୍ରଯୁକ୍ତି ବଜାରରେ ରିଲାଏନ୍ସ ଜିଓ, ଏଆରଟେଲ୍, ଭୋଡାଫୋନ୍, ଆଇଡିଆ, ଏଆରସେଲ୍, ଟାଟା ଡୋକୋମୋ ଆଦି ମୋବାଇଲ୍ ସେବା ପ୍ରଦାନକାରୀ କମ୍ପାନୀଙ୍କ ପ୍ରବେଶ ଓ ପ୍ରତିଯୋଗିତା ପ୍ରଚଳିତ ଜୀବନଧାରାକୁ ନାନା ଭାବରେ ପ୍ରଭାବିତ କରିଛି । ଫଳରେ ପୂର୍ବାପେକ୍ଷା କମ୍ ଖର୍ଚ୍ଚରେ କଲ୍ ଓ ଇରନେଟ୍ ସୁବିଧା ମିଳୁଛି । ଧନୀ ହେଉ କି ଗରିବ ସମସ୍ତଙ୍କୁ ଏବେ ଇଂଟରନେଟ ମୋହବିଷ୍ଟ କରି ରଖିଛି । ଫେସବୁକ, ଟୁଇଟର, ଲିଙ୍କ୍ଡିନ୍, ହ୍ୱାଟ୍ସଆପ୍, ଇନଷ୍ଟାଗ୍ରାମ ଭଳି ସୋସିଆଲ୍ ନେଟୱାର୍କିଂ ୱେବସାଇଟ୍ ଯୁବବର୍ଗଙ୍କ ପ୍ରିୟ ସାଥୀ ପାଲଟିଛି । ଏମାନେ ପାଠ୍ୟପୁସ୍ତକ, ଆଧ୍ୟାତ୍ମିକ ଚିନ୍ତା ଓ ଚେତନା, ସମାଜ ସେବାଠୁ ଯୋଜନ ଯୋଜନ ଦୂରରେ । ଦୂରରେ ଥାଇ ବି ସୋସିଆଲ୍ ନେଟୱାର୍କିଂ ମାଧ୍ୟମରେ ପ୍ରେମିକ, ପ୍ରେମିକାଙ୍କ ଅନ୍ତରଙ୍ଗ ଆଳାପ ସେମାନଙ୍କୁ ନିଜର ପ୍ରକୃତ ଲକ୍ଷ୍ୟ ପଥରୁ ବିଚ୍ୟୁତ କରୁଛି । ଏସବୁର ଫଳ ସ୍ୱରୂପ ଏ.ଡି.ଏଚ୍.ଡି ଭଳି ଭୟଙ୍କର ସ୍ୱାସ୍ଥ୍ୟ ସମସ୍ୟା ବଡ ବଡ ସହର ଓ ନଗର ଛାଡି ଏବେ ଗାଁରେ ମଧ୍ୟ ପହଞ୍ଚିଲାଣି ।

ଏହି ରୋଗରେ ଆକ୍ରାନ୍ତ ଯୁବକ, ଯୁବତୀଙ୍କ ଠାରେ ଆବେଗପ୍ରବଣତା, ବିପଦପୂର୍ଣ୍ଣ କାର୍ଯ୍ୟରେ ହାତ ଦେବା, ଚିଡଚିଡା ସ୍ୱଭାବ, ନିଷ୍ପତ୍ତି ନେବାରେ ଅପରିପକ୍ୱତା, ଏକାଗ୍ରତା ଓ ଧୈର୍ଯ୍ୟହାନି ଆଦି ଲକ୍ଷଣ ପରିଲକ୍ଷିତ ହେଉଛି । ଯେଉଁମାନେ ଅଧିକ ସମୟ ଧରି ସିନେମା, କାର୍ଟୁର୍ନ ଓ କମ୍ପ୍ୟୁଟର ଗେମ୍ସ ଖେଳିବାରେ ବିତାନ୍ତି ସେମାନଙ୍କୁ ହିଁ ଏ.ଡି.ଏଚ୍.ଡି ହେବାର ସମ୍ଭାବନା ଅଧିକ ଥାଏ । ଅସ୍ୱାସ୍ଥ୍ୟକର ଖାଦ୍ୟ, ଅଧିକ ଚିନ୍ତା, ଓ ବିଳମ୍ବିତ ରାତି ପର୍ଯ୍ୟନ୍ତ ଉଜାଗର ରହୁଥିବା କିଶୋର, କିଶୋରୀ ମଧ୍ୟ ଏହି ରୋଗ କବଳରେ ପଡିଥାନ୍ତି ।

କେତୋଟି ଜିନିଷ ପ୍ରତି ଧ୍ୟାନ ଦେଲେ ଆପଣ ଏ ରୋଗରୁ ସମ୍ପୂର୍ଣ୍ଣ ମୁକ୍ତି ପାଇପାରିବେ । ଦିନକୁ ୬ ରୁ ୮ ଘଂଟା ଶୋଇବା ନିତାନ୍ତ ଜରୁରୀ । ଶୋଇବା ସମୟରେ ଦକ୍ଷିଣ-ପୂର୍ବ ଦିଗକୁ ମୁଣ୍ଡ କରି ଶୋଇବେ । ନିତିଦିନିଆ ଖାଦ୍ୟ ତାଲିକାରେ ପ୍ରୋଟିନ୍, ଭିଟାମିନ୍, ଖଣିଜଲବଣ, ସ୍ନେହସାର, ଋତୁକାଳୀନ ଫଳ ସାମିଲ କଲେ ଏ.ଡି.ଏଚ୍.ଡି ଭଳି ସମସ୍ୟାରେ ଧୀରେ ଧୀରେ ସୁଧାର ଆସିବ । ଦିନରେ ଦୁଇଥର ବ୍ରାହ୍ମୀ ରସ ଦୁଇ ଚାମଚ କିମ୍ବା ୧୦ ଗ୍ରାମ ଅଶ୍ୱଗନ୍ଧା ଚୂର୍ଣ୍ଣ କ୍ଷୀର ସହ ସେବନ କଲେ ଏହି ରୋଗ ସମୂଳେ ବିନାଶ ହୋଇପାରିବ । ରାତିରେ ଶୋଇବା ପୂର୍ବରୁ ୧୦ ଗ୍ରାମ ତ୍ରିଫଳା ପାଉଡର ପାଣିରେ ମିଶାଇ ମଧ୍ୟ ଖିଆଯାଇପାରିବ । ସକାଳେ ଖାଲିପେଟରେ ତୁଳସୀ ରସ ସେବନ ଏକାଗ୍ରତା ରକ୍ଷା କରିବାରେ ସହାୟକ ହେବ । ସକାଳୁ ଉଠି ଏକ ସ୍ୱାସ୍ଥ୍ୟକର ପରିବେଶରେ ଯୋଗ, ପ୍ରାଣାୟାମ କରିବା ଦ୍ୱାରା ଏଭଳି ମାନସିକ ରୋଗରୁ ଉପଶମ ମିଳିବ ବୋଲି ବିଶେଷଜ୍ଞଙ୍କ ମତ ।

Previous ଦେହକୁ ହିତ ସୁନୁସୁନିଆ ଶାଗ
Next ଗୋରୁଙ୍କୁ ସାହାଣା ରୋଗର କାରଣ ଓ ତା’ର ପ୍ରତିକାର

No Comment

Leave a reply

Your email address will not be published. Required fields are marked *