ଘରେ ତିଆରି କରନ୍ତୁ ବିଭିନ୍ନ ଫଳର ସ୍କ୍ୱାସ୍

ସ୍କ୍ୱାସ୍ ସାଧାରଣତଃ ଲେମ୍ବୁ, କମଳା, ଲିଚୁ, ସପୁରୀ ଓ ଆମ୍ବ ଭଳି ଖଟାଯୁକ୍ତ ଫଳରୁ ତିଆରି ହୋଇଥାଏ । ଏଥିପାଇଁ ଫଳ ସହିତ ଚିନି, ପଟାସିୟମ୍ ମେଟା ବାଇସଲଫାଇଟ୍, ସାଇଟ୍ରିକ୍ ଏସିଡ୍ ଓ ଆବଶ୍ୟକ ସ୍ଥଳେ କିଛି ଖାଦ୍ୟପଯୋଗୀ ରଙ୍ଗ ଆବଶ୍ୟକ ହୋଇଥାଏ  । ଯେଉଁ ଋତୁରେ ଯେଉଁ ସବୁ ଫଳ ଅଧିକ ପରିମାଣରେ ଓ କମ୍ ଦରରେ ବଜାରରେ ମିଳେ, ସେହି ସମୟରେ ସେଥିରୁ ସ୍କ୍ୱାସ୍ ତିଆରି କଲେ ଲାଭଦାୟକ ହୁଏ ।

ସ୍କ୍ୱାସ୍ ପ୍ରସ୍ତୁତି ପ୍ରଣାଳୀ: 

• ପ୍ରଥମେ ଫଳକୁ ପରିଷ୍କାର ପାଣିରେ ଭଲଭାବେ ଧୋଇ ଷ୍ଟିଲ୍ ଛୁରୀରେ କଟାଯାଏ ଏବଂ ସେଥିରୁ ରସ ବାହାର କରାଯାଏ । ପ୍ରତ୍ୟେକ ଫଳ ପାଇଁ ରସ ବାହାର କରିବା ପ୍ରକ୍ରିୟା ଭିନ୍ନ ଭିନ୍ନ ।

• ଫଳରୁ ରସ ବାହାର କରି ସାରିବା ପରେ ରସକୁ ପତଳା କନାରେ ଛଣାଯାଏ ।
• ଏକ ଆଲୁମିନିୟମ୍ ଡେକଚିରେ ନିର୍ଦ୍ଧାରିତ ପରିମାଣର ପାଣି, ଚିନି ଓ ସାଇଟ୍ରିକ୍ ଏସିଡ୍ ନେଇ ଏହାକୁ ଗରମ କରି ସିରା ପ୍ରସ୍ତୁତ କରାଯାଏ।
• ସିରାକୁ ପରିସ୍କାର କନାରେ ଛାଣି ଥଣ୍ଡା କରାଯାଏ ।
• ସିରା ଉପରେ ଭାସୁଥିବା ଧଳା ଫେଣକୁ ବାହାର କରି ଫଳ ରସକୁ ସେଥିରେ ମିଶାଇ ଦିଆଯାଏ ।
• ଏହାପରେ ସେହି ମିଶ୍ରଣରେ ଆବଶ୍ୟକ ମୁତାବକ ରଙ୍ଗ, ଏସେନ୍ସ ଓ ପଟାସିୟମ୍ ମେଟା ବାଇସଲଫାଇଟ ଭଲ ଭାବେ ମିଶାଇ ପରିସ୍କାର ବୋତଲରେ ଭର୍ତ୍ତି କରାଯାଏ ।
• ବୋତଲର ମୁହଁକୁ ମହମରେ ସିଲ୍ କରି ଶୁଖିଲା ଓ ପରିସ୍କାର ସ୍ଥାନରେ ରଖାଯାଏ ।

ବିଭିନ୍ନ ଫଳରୁ ସ୍କ୍ୱାସ୍ ପ୍ରସ୍ତୁତି ପାଇଁ ଆବଶ୍ୟକ ସାମଗ୍ରୀର ପରିମାଣ: